മനുഷ്യനേയും പ്രകൃതിയേയും സ്നേഹിക്കുന്ന ചൂർണി പുഴയുടെ (പെരിയാർ) തീരത്ത് ചെറുതോണിയിൽ വർഷങ്ങളായി ഞങ്ങൾ പ്രവർത്തിക്കുന്നു. മനുഷ്യ സ്നേഹത്തിൻ്റെ ആദ്യമൂല്യം സാഹോദര്യവും സ്വാന്തനവും ആണ്. നിർധനരായ 25-ഓളം കിടപ്പു രോഗികൾക്കും ഇടുക്കി മെഡിക്കൽ കോളേജിലെ മുഴുവൻ രോഗികൾക്കും ഇന്നും ഭക്ഷണം നൽകി അവരെ ആശ്വസിപ്പിക്കാനും സുമനസുകളിലൂടെ ഞങ്ങൾക്കു കഴിയുന്നു. ലോക നന്മക്കായി പശ്ചിമഘട്ടത്തെ സംരക്ഷിക്കാനും സഹ്യന് അരഞ്ഞാണമായ പെരിയാർ (ചൂർണി) എന്ന ജീവധാരയെ സംരക്ഷിക്കുവാനും 8-ഓളം ക്ഷേമ സേവന ജീവകാരുണ്യ പ്രവർത്തനങ്ങളിലൂടെ തങ്ങളിൽ ആകുന്ന സേവനവും ചെയ്യുവാനും പ്രകൃതി സ്നേഹികളും ജീവകാരുണ്യ പ്രവർത്തനങ്ങൾക്ക് മനസുള്ളവരുമായി നമുക്കു ഒത്തുചേരാം.